係呢段比較得閒既時間我都想盡量一日一POST, 因爲唔想見到個WEBSITE好似好空咁. 因爲最近成日夾牛房, 所以今日就講講牛房有咩設計同考慮啦. 鑒於小弟剩係做過九龍同新界既PROJECT, 港燈既牛房我就唔太熟, 所以主要都係講下中電牛房既設計.
咩係牛房 (Transformer Room)? 牛房就係一棟樓派電既命脈, 無牛你就唔會有電到. 當然, 無電既時候會用臨時發電機, 呢個遲D有機會再講.
咁點Plan牛房? 第一步首先係你要知棟Development要幾多隻牛同每隻牛要幾多kVA, 呢個就要係盤古初開既時候問曬各個行頭攞佢地既Equipment Schedule, 再將要用電既Equipment集合曬, 再做一個Loading Estimation, 你就大約估算到要用幾多隻牛. 但係, 你係入CLP攞牛房之前都要首先入一份COP 215(下圖), 呢份Loading係同你自己個份Loading唔同, 因爲入面D數字係跟CLP COP 215 入面既ADMD Figures(After Diversity Maximum Demand Figures), 呢個數通常係大過平時你預開既Loading. 順帶一提, 呢份Loading係唔包消防Load的. 如果你本身自己份Loading隻牛咩左好多FSI Load, 個總Loading有機會係CLP份Loading細左, 所以你填份表既時候要就住你自己Loading Estimation估算既牛數同牛Rating去攞牛, 因爲CLP只會睇個總數去批你幾多隻牛. 順帶一提, CLP出左新既Standard, 如果你個Development既牛既總Capacity大過20 MVA, CLP係會要求你起一個132 kV Substation 比佢地 (Link in page end), 如果你地有做大型Project就要多加留意了.
知道左要幾多隻牛啦, 第二部就到左要同積師/Structure夾牛房圖. 其實來來去去都係睇中電個COP 101(廢話), 但主要有幾樣野要留意, 因爲太多野講所以分左2 Part, 下篇再解釋. 想知多D既朋友可以睇住下面兩條Link先, 就係中電既COP 101, 有文字版同圖版. 文字版就講關於牛房既Requirements (例如Headroom要求, Double Slab要求, 風扇要幾大, 牛房入面會有既Equipment等等…) 圖版就係CLP 一D Typical既牛房Layout, 或者當Main Switchroom唔係同牛房同層既Arrangement等等…太多野不能盡錄, 只好靠你地自己睇下.
COP 101 Version 15 document (text) Jun 2020: https://www.clp.com.hk/en/customer-service-site/open-and-close-account-site/cop-101-distribution-substation-design-site/Documents/Cop101%20version%2015%20black%20letters.pdf
COP 101 Version 15 drawings: https://www.clp.com.hk/en/customer-service-site/open-and-close-account-site/cop-101-distribution-substation-design-site/Documents/COP%20101%20version%2015%20drawings.pdf
CLP 132 kV Substation High Load Density Development: https://www.clp.com.hk/en/customer-service-site/open-and-close-account-site/cop-101-distribution-substation-design-site/Documents/High%20Load%20Density%20Development%20typical%20132kV%20drawings.pdf
